Qazaqstandyq mergen Qazaqstan rekordyn jańartyp, Álem Kýbogynyń fınalyna shyqty

<p>ASTANA. KAZINFORM &ndash; Brazılııanyń Rıo-de-Janeıro qalasynda nysana kózdeýden lıtsenzııalyq Álem Kýbogynyń sheshýshi kezeńi ótip jatyr.</p>

Sportty damytý dırektsııasynyń baspasóz qyzmeti habarlaǵandaı, búgin 50 metrden vıntovkamen 3 pozıtsııada nysana kózdeýde qazaqstandyq Konstantın Malınovskıı irikteýde 2-oryn aldy. 

Ol osy saıysta 593 upaı jınap, Qazaqstan rekordyn qaıta tirkedi.

Endi Konstantın erteń fınalda júldege talasady. 

Aıta keteıik, Malınovskıı jyldyń basynda Azııa chempıonatynda Parıj Olımpıadasynyń lıtsenzııasyna ıelik etip qoıǵan.

«Konstantın eki irikteý kúninde joǵary nátıje kórsetti. Ár oqty barynsha dál tıgizýge tyrysty. Erteń fınalda osy qarqynyn jalǵastyrady dep senemiz. Birneshe kún qatarynan osylaı salqynqandy óner kórserý ońaı emes. Bul sporttyń qyzyǵy da osynda. Tájirıbe osylaı keledi. Konstantın úshin Qazaqstan rekordy óte jaqsy beles. Degenmen bizdiń maqsatymyz budan bıik ekenin bilemin», - dedi Ulttyq quramanyń bas bapkeri Olga Dovgýn.