Qazaqstandyq memlekettik qyzmetshiler qansha syı-sııapatty memleketke qaıtardy

<p>ASTANA. KAZINFORM &ndash; QR Qarjy mınıstrliginiń Memlekettik múlik jáne jekeshelendirý komıteti Kazinform agenttigine qazaqstandyq memlekettik qyzmetshilerge qatysty syı-sııapat statıstıkasyn usyndy. Belgili bolǵandaı, jyl basynan beri olar qarapaıym azamattardan alǵan 178 syılyqty memleketke qaıtarǵan.</p>

Zań boıynsha sybaılas jemqorlyqqa qarsy shekteýleri bar jaýapty memlekettik qyzmetshilerge berilgen syılyqtar, syılyq alynǵan kúnnen bastap nemese ol týraly belgili bolǵan kúnnen bastap 7 kúntizbelik kún ishinde memlekettik múlik basqarýǵa ýákiletti organǵa óteýsiz túrde berilýi kerek. Sodan keıin bul múlik aýktsıonda satylady.

«2024 jyldyń 9 aıynda QR «Sybaılas jemqorlyqqa qarsy is-qımyl týraly» zańyna sáıkes, sybaılas jemqorlyqqa qarsy shekteýlerdi qabyldaǵan memlekettik qyzmetshiler men basqa da tulǵalar memlekettik múlik quramyna 178 syılyqty óteýsiz negizde tapsyrdy, olardyń boljamdy quny 1 444,87 myń teńgeni (shamamen 1,45 mln – red.) qurady», - dep jazylǵan jaýapta.

Sondaı-aq, jyl basynan beri 9 aıda memlekettik múlik jáne jekeshelendirý departamentteri 712,56 myń teńgege 88 syılyqty satqanyn habarlady.

Buǵan deıin QR Oqý-aǵartý mınıstri Ǵanı Beısembaev 1 qyrkúıekte muǵalimderge syılyq berý máselesin túsindirgen bolatyn. «Digital Kazakhstan: zamanaýı bilim berý» respýblıkalyq tamyz pedagogter sammıtiniń kýlýarynda jýrnalıster mınıstrden: «1 qyrkúıekte muǵalimderge gúl men kámpıt berý durys pa?» dep suraǵan edi.