Qazaqstandyq maman halyqaralyq hokkeı federatsııasy komıtetiniń quramyna endi

<p>Qazaqstandyq Vıktorııa Sazonova halyqaralyq hokkeı federatsııasynyń áıelder hokkeıin damytý jónindegi komıtetiniń quramyna engizildi. Endi ol elimizdiń atynan álemdik deńgeıde ókildik etetin boldy, dep habarlaıdy <a href="Kazinform" target="_blank" rel="noopener">Kazinform.</a></p>

Vıktorııa Sazonova Qazaqstan áıelder quramasynda bas menedjer qyzmetin atqarady. Ol - halyqaralyq hokkeı federatsııasynyń atalǵan komıtetine Azııa qurlyǵynan engen alǵashqy maman. 

«Men osyndaı qurmetke ıe bolǵanyma qýanyshtymyn. Bul - úlken jaýapkershilik. Aldaǵy jumysymda qazaqstandyq hokkeıdi álem jurtshylyǵy nazaryna usynǵym keledi. Osy maqsatta abyroıly qyzmet atqaramyn degen oıdamyn», - dedi Vıktorııa Sazonova.

Vıktorııa mansabynda 20 jylǵa jýyq hokkeıden Qazaqstan ulttyq quramasynda oıyn kórsetti. Sportshy retindegi karerasyn 2013 jyly aıaqtap, 2022 jyly álem chempıonatynda áıelder jasóspirimder quramasyn basqardy. Sol jyldan bastap áıelder qurama komandalarynyń bas menedjeri, sondaı-aq Qazaqstan hokkeı federatsııasynyń áıelder hokkeıin damytý jónindegi dırektory qyzmetin atqardy.

2023 jylǵy álem chempıonatynda áıelder quramasyna jetekshilik etti.

Eske salsaq, jasóspirimderdiń Qysqy Olımpıadasynda Qazaqstan hokkeı quramasy kimdermen oınaıtyny belgili boldy.