Qazaqstandyq qutqarýshylar Qyrǵyzstanda selden zardap shekkenderge kómek jetkizdi

<p>ASTANA. KAZINFORM -&nbsp;Qazaqstan TJM qutqarýshylary QR QM áýe kemesimen Qyrǵyz Respýblıkasynyń Osh qalasyna azamattarymyzdy evakýatsııalaý jáne qaza tapqandardyń denelerin elimizge tasymaldaý úshin ushyp keldi. Bul týraly Qazaqstan Tótenshe jaǵdaılar mınıstrligi baspasóz qyzmeti habarlady.</p>

Ushaq bortynda QR TJM RJQJ qutqarýshylary, Apattar medıtsınasy ortalyǵynyń dárigerleri men psıhologteri bar. Sonymen qatar bortpen Qyrǵyzstannyń sel tasqynynan zardap shekken turǵyndaryna jalpy salmaǵy 2,7 tonna azyq-túlik túrinde gýmanıtarlyq kómek jetkizildi.

Keshe Jambyl oblysy TJD bastyǵy Arman Toqanov izdestirý-qutqarý jumystaryn úılestirý úshin Osh oblysy Nookat aýdanynyń TJ aımaǵyna jiberildi.

Buǵan deıin QR TJM ahýaldyq ortalyǵynda jedel shtab quryldy, ondaǵy mamandar Qyrǵyzstan TJM jáne bizdiń elshilikpen turaqty baılanysta.

Óskemende ShQO TJD bastyǵy Rashıd Bılıalovtyń úılestirýimen eki táýlik boıy jedel shtab jumys istep jatyr. Shtab bazasynda jergilikti atqarýshy organdarmen birge qaıtys bolǵan balalardyń týystaryna psıhologııalyq kómek kórsetilip jatyr.

Esterińizge sala keteıik, buǵan deıin Qyrǵyzstanda alapat selden bes adam qaza tapqanyn jazǵan bolatynbyz.

Artynsha joıqyn sel tasqynynan qazaqstandyq balalar kóz jumǵany belgili bolǵan edi.

Qyrǵyzstandaǵy joıqyn sel kezinde iz-tússiz joǵalǵan taǵy eki qazaqstandyq balanyń denesi tabyldy.