Qazaqstandyq qobyzshy Láıla Tájibaeva Respýblıka kúni qarsańynda qazaqstandyqtarǵa erekshe tartý jasady

<p>Qazaqstandyq qobyzshy Láıla Tájibaeva Respýblıka kúni qarsańynda qazaqstandyqtarǵa erekshe tartý jasady. Ol bıikten parashıýtpen sekirý barysynda qobyzben kúı oryndady, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Qobyzshy Láıla Tájibaeva áýede Yqylastyń «Jezkıik» kúıin oryndap shyqty. Ol Gollıvýdtaǵy oryndaýshylyq óner boıynsha dúnıejúzilik chempıonatta birneshe altyn medal ıegeri atanǵan.

Atalǵan jobany qobyzshy Láıla Tájibaeva men Qazaqstan avıatsııalyq sport federatsııasynyń vıtse-prezıdenti Tımofeı Merkýlov birlese júzege asyrdy.

Óner ıesi atalǵan jobany júzege asyrýǵa tyńǵylyqty daıyndalǵan. Barlyq qaýipsizdik sharasyna nazar aýdaryldy. Qobyz qulap ketpeýi úshin arnaıy myqtap bekitildi. Aspap óner ıesiniń qolynan túsip ketken jaǵdaıdyń ózinde jerde jáne áýede eshkimge zııanyn tıgizbeıtin edi.

Parashıýtpen sekirý 3500 metr bıiktikte oryndaldy.

- Biz Gınnestiń rekordtar kitabyna ený maqsatynda parashıýtpen sekirý barysynda qobyzben kúı tartýǵa sheshim qabyldadyq. Bul jańa tájirıbe. Menińshe, parashıýtpen sekirgen adamǵa bári ońaı bolyp kórinedi, - dep atap ótti qobyzshy Láıla Tájibaeva.