Qazaqstandyq klýbtardyń eýrokýbok oıyndary ekinshi irikteý kezeńindegi qarsylastary anyqtaldy

<p>ASTANA. KAZINFORM - Qazaqstandyq klýbtardyń 2024/2025 jylǵy maýsymdaǵy eýrokýbok oıyndarynyń ekinshi irikteý kezeńindegi qarsylastary anyqtaldy.</p>

Búgin, 19 maýsymda Shveıtsarııanyń Non qalasynda eýrokýbok oıyndary ekinshi kezeńiniń jerebesi tartyldy.

Bıyl elimizdiń atynan shymkenttik «Ordabasy» Chempıondar lıgasynda oıyn kórsetse, qostanaılyq «Tobyl» men elordalyq «Astana» Eýropa lıgasynda baq synaıdy.

Al «Aqtóbe» Konferentsııa lıgasynda el namysyn qorǵaıdy.

«Ordabasy» ekinshi irikteý kezeńinde Kıprdiń APOEL komandasymen kezdesýi múmkin. Oǵan deıin birinshi irikteý kezeńinde Moldovanyń «Petrokýb» klýbyn orta jolda qaldyrýy tıis.

Birinshi irikteý kezeńi 9 jáne 16 shilde kúnderine belgilense, ekinshi irikteý kezeńi 23/24 jáne 30/31 shildede oınalady.

Eýropa lıgasy ekinshi irikteý kezeńinde «Tobylǵa» Túrkııanyń «Trabzonspor» komandasy yqtımal qarsylas atanyp otyr. Oıyndar 25 shilde men 1 tamyzǵa belgilengen. Odan buryn qostanaılyq klýb 11 jáne 18 shilde kúnderi Slovakııanyń «Rýjomberok» komanadasyn jeńýi qajet.

Eýrokýboktaǵy alǵashqy oıynyn ekinshi irikteý kezeńinen bastaıtyn «Astana» «Torpedo» (Belarýs) men «Mılsamı» (Moldova) jubynyń jeńimpazymen oınaıdy.

Bıyl Konferentsııa lıgasynda synǵa túsetin «Aqtóbe» 11 jáne 18 shildede ótetin birinshi irikteý kezeńinde Bosnııa jáne Gertsogovınanyń «Saraevo» klýbyn jeńse, ekinshi irikteý kezeńinde 25 shilde men 1 tamyzda Slovakııanyń «Spartak Trnava» komandasyna qarsylas atanady.