Qazaqstandyq kásipqoı boksshy qyz qarsylasyn nokaýtpen jeńdi

<p>ASTANA. KAZINFORM &ndash; Asa jeńil salmaqta óner kórsetetin qazaqstandyq kásipqoı boksshy qyz Angelına Lýkas (6-1-0, 3 KO) Taılandta kezekti jekpe-jegin ótkizip, qarsylasyn nokaýtpen jeńdi.</p>

Bul týraly boksshy óziniń áleýmettik jelidegi paraqshasynda jazdy. 

Ol kezekti jeńisinen keıin «Búgin men kásibı mansabymda jetinshi jeńiske jettim jáne óte qýanyshtymyn, osy jeńisimdi súıikti elime arnaǵym keledi!», - dep jazba qaldyrdy.

Angelına Lýkas taılandtyq Kadesara Djadpakdımen judyryqtasyp, qarsylasyn merziminen buryn jeńdi. Negizi jekpe-jek segiz raýndqa josparlanǵan. Alaıda referı tórtinshi raýndta jarysty toqtatty. Osylaısha qazaqstandyq boksshy kásipqoıdaǵy jetinshi jeńisine qol jetkizdi.

Al onyń qarsylasy qazirge deıin kásipqoı bokstyń sharshy alańynda jeti ret jeńiske jetken. Úsh ret jeńilgen. Osy joly tórtinshi ret jeńilistiń aşy dámin tatty.