Qazaqstandyq kásipqoı boksshy Balaýsa Muzdymannyń qarsylasy belgili boldy

<p>ASTANA. KAZINFORM &ndash; Alty kúnnen keıin qazaqstandyq boksshy Balaýsa Muzdyman kásipqoı bokstaǵy kezekti jekpe-jegin ótkizedi.&nbsp;</p>

Naqtyraq aıtar bolsaq, 25 shildede Bangkok qalasynda (Taıland) ótetin boks keshinde otandasymyz jergilikti sportshy Djıttamat Phomtamen kezdesip, jeńil salmaq boıynsha (55 kelige deıin) WBA Asia belbeýin sarapqa salady. 

«Balaýsa Bangkok qalasynda (Taıland) WBA Asia tıtýly úshin judyryqtasady. Biz úshin bul – jańa deńgeı. Ol buǵan deıin 1 maýsymda jekpe-jek ótkizip, Úndistannan kelgen qarsylasyn 45 sekýndta nokaýtqa túsirgen bolatyn. Endi 25 shildede Bangkoktaǵy iri boks keshinde rıgke qaıta oralady», - dep jazdy boksshynyń menedjeri áleýmettik jelide. 

Aıta keteıik, B.Muzdyman buǵan deıingi jekpe-jegin 1 maýsymda Almatyda ótken kásipqoı boks keshinde úndistandyq Monıka Sınghti birinshi raýndta nokaýtqa túsirgen kezde ótkizdi. Bul jeńis 26 jastaǵy qazaqstandyq boksshyǵa BoxRec-tiń eń jeńil salmaqtaǵy reıtınginde 115-orynnan 95-orynǵa kóterilýge múmkindik berdi.