Qazaqstandyq IT mamandardyń jalaqysy 54%-ǵa ósti

<p>ASTANA. KAZINFORM &ndash; Búginde elimizde 18 myńnan astam IT kompanııa bar. Keıingi úsh jylda olardyń sany 16 paıyzǵa artqan. Bul týraly Tsıfrlyq damý, ınnovatsııalar jáne aeroǵarysh ónerkásibi mınıstri Jaslan Mádıev málim etti.&nbsp;</p>

«IT salany damytý boıynsha belsendi jumys júrgizilýde. Bul – ınfraqurylymdy, adamı kapıtaldy damytý, ınnovatsııalyq ortany damytýǵa arnalǵan qolaıly jaǵdaılar jasaý jáne venchýrlyq kapıtaldy ulǵaıtý. Bıyl otandyq IT salasy qarqyndy ósýin jalǵastyryp jatyr. Elimizde IT kompanııalardyń sany 18 myńnan asty, olardyń sany keıingi úsh jylda 16%-ǵa ósti. Osy ýaqyt aralyǵynda IT mamandardyń jalaqysy 54%-ǵa ósti, ortasha aılyq 673 myń teńgege jetti. Bul bilikti kadrlarǵa degen joǵary suranys pen básekege qabiletti eńbek jaǵdaıyn kórsetedi», - dedi Jaslan Mádıev Úkimet otyrysynda. 

Mınıstrdiń málimetinshe, búginde 187 myń (12%) IT salasynda eńbek etip júr. 

«2018 jyly «Astana Hub» halyqaralyq tehnologııalyq parki iske qosyldy. Búgin Astana Hub aıtarlyqtaı ósim kórsetýde. Ol Qazaqstandaǵy IT startaptardy damytý ortalyǵy retindegi rólin rastaýda. Tehnopark 1,5 myńnan astam qatysýshyny biriktirdi. Olardyń ishinde 1 102 jergilikti jáne 437 sheteldik kompanııa bar. Qatysýshylardyń jalpy tabysy 1,2 trln teńgege jetti, osylaısha keıingi bes jylda 31 ese ósti. Bıyl úsh toqsany boıynsha eksporttyq kiris 143 mlrd teńgege jetti», - deıdi vedomstvo basshysy. 

Aıta ketsek, taıaýda Úkimet basshysy Oljas Bektenov amerıkalyq kompanııa basshysymen IT sheshimderdiń damýyn talqylaǵan edi.