Qazaqstandyq gımnast Horvatııadaǵy týrnırde jeńimpaz atandy

<p>ASTANA. KAZINFORM &mdash; Іlııas Azızov Horvatııanyń Osıek qalasynda ótken sporttyq gımnastıkadan Challenge Cup kezeńinde chempıon atandy.</p>

Sportty damytý dırektsııasynan málim etkenindeı, ulttyq qurama sportshysy at snarıadyndaǵy jattyǵýda 14.600 ball jınap, altynnan alqa taqty. 

Іlııas 1 kún buryn osy baǵdarlamanyń irikteýinde de eń kóp upaı jınaǵanyn (14.650) aıta keteıik. 

At snarıadynda kúmis medal olımpıada (2008) jáne álem chempıonatynyń (2014) kúmis júldegeri Fılıp Ýdeniń (Horvatııa) enshisinde. Ol 14.300 upaıǵa ıe boldy. Úzdik úshtikti taǵy bir horvatııalyq gımnast Marko Sambolek (14.000 ball) túıindedi.

Bul – Azızovtyń osy jarystaǵy ekinshi júldesi. Budan buryn ol erkin jattyǵýda (14.200 ball) kúmis alǵan. Munda Іlııas ýkraınalyq Ilıa Kovtýndy (14.400) ǵana alǵa jiberdi.

Eske sala keteıik, budan buryn Aıbota Ertaıqyzynyń kórkem gımnastıkadan Gran-prı kezeńinde úsh medal jeńip alǵanyn jazǵan bolatynbyz.