Qazaqstandyq ǵalymdar Vatıkan arhıvindegi materıaldarmen tanysady

<p>ASTANA. KAZINFORM &ndash; Qazaqstandyq ǵalymdar Vatıkandaǵy Apostol kitaphanasynyń muraǵatyna baryp, buryn qoljetimsiz bolǵan materıaldarmen tanysady. Bul týraly Ǵylym jáne joǵary bilim mınıstri Saıasat Nurbek málim etti.</p>

Mınıstrdiń aıtýynsha, úsh jyl buryn Qazaqstannyń Shyǵystaný ınstıtýty men Vatıkan kitaphanasy arasynda kelisimge qol qoıyldy.

Foto: Agıbaı Aıapbergenov / Kazinform

«Bıyl bizdiń ǵalymdardyń birinshi toby Rımge baryp, alǵash ret Apostol kitaphanasynyń jabyq muraǵatyna ruqsat alady. Bul 10 ǵasyrdan bastap bizdiń aımaqtarǵa kelgen ıezýıtter men domınıkandyqtardyń mıssııalary týraly esepter. Olar arnaıy mnemotehnıka boıynsha oqytylǵan jáne aılar boıy kórgen-bilgenin muqııat jazyp otyrǵan. Bizdiń ǵalymdarǵa buryn jabyq bolǵan derekkózdermen tanysýǵa múmkindik beriledi, jańa tarıhı faktiler de ashylýy múmkin. Bul týraly qosymsha habarlaımyz», - dedi Saıasat Nurbek Ortalyq Azııa memleketteri tarıhshylarynyń I forýmynda.

Foto: Aǵybaı Aıapbergenov / Kazinform

Buǵan deıin de qazaq ǵalymdary Vatıkan kitaphanasyndaǵy túrki tarıhyna qatysty qoljazbalardy zertteýge múmkindik alatyny habarlanǵan edi.

Foto: Aǵybaı Aıapbergenov / Kazinform

Aıta keteıik, Eýrazııa ulttyq ýnıversıtetinde «Ortalyq Azııa tarıhy: halyqtar men mádenıetter arasyndaǵy dıalog» atty Ortalyq Azııa memleketteri tarıhshylarynyń І forýmy ótti.

Foto: Aǵybaı Aıapbergenov / Kazinform

Forýmǵa Qazaqstan, Qyrǵyzstan, Ózbekstan, Tájikstan, Túrkimenstan ǵalymdary, sondaı-aq memleket jáne qoǵam qaıratkerleri keldi.