Qazaqstandyq ǵalymdar smart-elektromototsıkl modelin jasady

<p>ASTANA. KAZINFORM &ndash; Іlııas Jansúgirov atyndaǵy Jetisý ýnıversıtetiniń jas ǵalymdary Qýanysh Jaqpaev, Jalǵas Ahmetov jáne Anet Ibraımov smart elektromototsıkl jasap shyǵardy.</p>

Jas ǵalymdardyń aıtýynsha, olar áıgili «Harley-Davidson» modeline negizdelgen elektrlik mototsıkl qurastyrǵan. Smart elektromototsıkldi múmkindigi shekteýli jandar da ońaı basqara alady. Bul kólik ekologııalyq turǵydan taza ári júk tasymaldaýǵa da qolaıly.

Jobany tolyq iske asyrý maqsatynda ǵalymdar komandasy «Táýelsizdik urpaqtary» baıqaýyna qatysyp, grant jeńip aldy.

Qazirgi tańda ýnıversıtet ǵalymdary elektr energııasymen jumys isteıtin únemdi jáne yńǵaıly kólik quraldaryn óndiretin tseh ashyp, otandyq óndiristi damytýǵa óz úlesterin qosýda. Bolashaqta bul ónimdi naryqqa shyǵaryp, elektr kólikteriniń básekege qabilettiligin arttyrýdy josparlap otyr.

Jetisý ýnıversıtetiniń ǵalymdary aldaǵy halyqaralyq elektr kólik kórmelerine daıyndyq júrgizip jatyr.