Qazaqstandyq ǵalym kóz aýrýyn emdeýdiń tıimdi ádisin oılap tapty

<p>AQTÓBE. KAZINFORM &mdash; Q. Jubanov atyndaǵy Aqtóbe óńirlik ýnıversıteti &laquo;Hımııa jáne hımııalyq tehnologııa&raquo; kafedrasynyń dotsenti, PhD Gýzel Abılova Ulybrıtanııadaǵy Redıng ýnıversıtetiniń Hımııa, ónimder jáne farmatsııa mektebiniń professory Vıtalıı Hýtorıanskıımen birlese kóz aýrýyn emdeýdiń tıimdi ádisin oılap tapty.&nbsp;</p>

Ǵalym birneshe jyldyq zertteýleriniń nátıjesinde kózge arnalǵan lınzaǵa uqsas óte juqa polımerli dárilik plenkalar jasap shyqty. 

Gýzel Qabiletqyzynyń aıtýynsha, oftalmologııalyq dárilik plenkalardy jasaý ıdeıasy 2016 jyly doktorantýraǵa túsken kezde paıda bolǵan.

– Bıopolımerler negizinde plenkalyq materıaldar túrindegi dárilik formalardyń damýy ǵylymı qyzyǵýshylyǵymdy týdyrǵan. Osyǵan deıingi zertteýlerdi zerdeleı kele, kózdiń, murynnyń, aýyzdyń shyryshty qabattaryna qoldanýǵa arnalǵan polımerler negizinde jańa plenkaly dárilik formalar jasaýǵa bolady. Plenkalar dárilik zattardyń dozasyn jáne shyǵynyn aıtarlyqtaı azaıtady. Bastysy – densaýlyqqa eshqandaı zııandy emes. Sonymen qatar polımerli kóz plenkalary kózge arnalǵan tamshylardyń negizgi kemshilikterin joıýǵa múmkindik bermek. Kózge arnalǵan tamshylardyń emdik merzimi qysqa bolady. Kóbine tamshylar kóz jasymen qosa nemese basqa da túrli sebeptermen syrtqa shyǵyp ketedi. Al bul jasaǵan polımerli plenka kóz jasymen baılanysqa túsken kezde birte-birte erip, preparat uzaq ýaqyt boıy kóz ishinde saqtalady, - deıdi ǵalym. 

Importtalǵan farmatsevtıkalyq naryqta polımerlerge negizdelgen kóz dári-dármekteriniń túrleri bar. Jubanovtyq ǵalym jasaǵan kózge arnalǵan dárilik plenkalar bakterıaldy etıologııanyń kóz aýrýlaryn emdeýge arnalǵan. ıAǵnı, bul mıkrobqa qarsy preparattarmen, atap aıtqanda tsıprofloksatsınmen áser etetin antıbıotıkpen ázirlengen. 

Polımer negizinde jasalǵan dárilik forma bosatylǵan dárilik preparattyń mólsherin retteýge múmkindik beredi. Daıyndalǵan kóz plenkalary 6-8 saǵatqa deıin emdik áserin bere alady. Aldaǵy ýaqytta ǵalym dári-dármektiń áser etý ýaqytyn múmkindiginshe uzaq ýaqytqa arttyrýdyń ádis-tásilderin anyqtaýdy josparlap otyr.

Aıta ketý kerek, Gýzel Qabiletqyzynyń «Jergilikti dári-dármekterdi jetkizýge arnalǵan fýnktsıonaldy bıopolımerler negizinde plenkaly dárilik formalar» taqyrybyndaǵy jobasy 2022-2024 jyldarǵa arnalǵan «Jas ǵalym» konkýrsynda granttyq qarjylandyrýǵa ıe boldy.