ASTANA. KAZINFORM — UEFA eýrokýbok oıyndaryndaǵy birinshi irikteý kezeńindegi qarymta kezdesý oıyndarynyń ýaqytyn belgiledi. Onda elimizdiń atynan «Qaırat», «Aqtóbe» men «Ordabasy» baq synaıdy.
Aldymen 15 shildede Almatyda Chempıondar lıgasynda jergilikti «Qaırat» óz alańynda Slovenııanyń «Olımpııasyn» qabyldaıdy. Oıyn qazaqstandyq ýaqytpen 20:00–de bastalady.
Al 17 shildede «Aqtóbe» Eýropa lıgasy birinshi irikteý kezeńinde Polshanyń «Legııasymen» sheberlik baıqasady. Kezdesý Aqtóbede 21:00–de bastalady. Dál sol ýaqytta Shymkentte Konferentsııa lıgasynda jergilikti «Ordabasy» grýzııalyq «Torpedo» klýbymen oınaıdy.
Eske salsaq, birinshi kezdesýinde «Qaırat» «Olımpııamen» (1:1) teń tússe, «Aqtóbe» «Legııaǵa» (0:1), «Ordabasy» «Torpedoǵa» (3:4) ese jiberdi.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.