Qazaqstandyq erkin kúres sheberleri Azııa chempıonatynda úshinshi oryn aldy

<p>ASTANA. KAZINFORM - Iordanııa astanasy Amman qalasynda erkin kúresten 17 jasqa deıingi jasóspirimder arasynda Azııa chempıonaty máresine jetti.</p>

Qurlyqtyq dodada qazaqstandyq balýandar segiz medal aldy. El quramasynan Edige Qasymbek (110 keli) chempıondyq tuǵyrǵa kóterildi. Al Bekasyl Asambek (60 keli) kúmis medal aldy.

Sondaı-aq Bekzat Amangeldi (45 keli). Ibrahım Ysqaqbek (51 keli), Eraly Áskerbek (55 keli), Baqdáýlet Ákimjan (65 keli), Ámir Orazbaev (71 keli) jáne Beıbarys Erǵalı (80 keli) qola júldeger atandy.

«Negizi úsh altyn alatyn shamamyz bar edi. 60, 71 jáne 80 kelidegi balýandardyń fınalǵa shyǵatyn shamasy boldy. Ózderi qate jiberip, jeńilip qaldy. Qatelikterdi kórdik, endi sol kemshilikterdi álem chempıonatyna deıin retteýge tyrysamyz», - dedi Qazaqstan 17 jasqa deıingi jasóspirimder quramasynyń aǵa jattyqtyrýshysy Dáýlet Nııazbekov. 

Atalǵan týrnırde Qazaqstan quramasy úshinshi oryn ıelendi.

Eske salsaq, sporttyq quzǵa órmeleýden Ámir Maımuratov Parıj Olımpıadasyna barady.