Qazaqstandyq eki boksshy Azııa chempıonatyn jeńispen bastady

<p>ASTANA. KAZINFORM &ndash; Taıland koroldiginiń Chıangmaı qalasynda bokstan erler men<strong>&nbsp;</strong>áıelder arasynda ótip jatqan Azııa chempıonatynda ekinshi jarys kúni Qazaqstannan eki sportshy rıngke shyqty.</p>

Aldymen Orazbek Asylqulov 57 kelige deıingi salmaqta malaızııalyq Mohamad Zúlhaınmen judyryqtasty.

Qazaqstandyq boksshy qarsylasyn ekinshi raýndta-aq merziminen buryn, nokaýtpen utty.

Orazbek endi ¼ fınaldyq kezdesýin 5 jeltoqsan kúni ótkizedi.

Sondaı-aq Beıbarys Jeksen 60 kelige deıingi salmaqta ózbekstandyq Dılshod Abdýmýrodovpen qarsy keldi. Birinshi raýndta Beıbarys 3:2 esebimen alda turdy. Ekinshi kezeńde tóreshiler basymdyqty túgeldeı B.Jeksenge berdi. Qorytyndy esep – 4:1, Beıbarystyń paıdasynda.

Osylaısha, Beıbarys Jeksen de shırek fınalǵa joldama aldy.

Eske sala keteıik, budan buryn bokstan Azııa chempıonatynda jarys bastalmaı jatyp Qazaqstannyń 6 medalǵa qol jetkizgenin jazǵan bolatynbyz.

Sondaı-aq Dýlat Bekbaýov Azııa chempıonatynyń ¼ fınalyna joldama aldy.