Qazaqstandyq drondar SQO-daǵy sý tasqyny jaǵdaıyn táýlik boıy áýeden barlap júr
Jergilikti kásiporyn «Petropavl aýyr mashına jasaý zaýyty» AQ shtabty sý tasqyny qaýpi joǵary aımaqtardy barlaý úshin teplovızory bar drondarmen jáne ushqyshsyz ushý apparatymen qamtamasyz etti.
Roman Sklıar tehnologııalyq múmkindikterdi paıdalanyp, tasqyn qaýpi bar aımaqtaǵy sýdyń tolyp ketý deńgeıin naqty ýaqyt rejıminde baqylaýǵa kirisýdi tapsyrdy.
Atqarylyp jatqan jumystardyń esebin tyńdaǵan Premer-Mınıstrdiń birinshi orynbasary aýmaqty sýretke túsirý jáne derekterdi ishki radıobaılanysy bar kartaǵa 2D formatynda lezde jiberý úshin barlaý drondaryn belsendi paıdalaný qajettigin atap ótti.
«Tasqyn sý qalaǵa jetti, sondyqtan biz kezekshilikti turaqty túrde qamtamasyz etýimiz kerek. Barlyq mobıldi toptar tolyǵymen daıyn turýy qajet. Jergilikti jerde jumys isteıtin toptar jaǵdaıdy dereý habarlaýy tıis. Sý tasqyny qaýpiniń qanshalyqty mańyzdy ekenin túsine almaıtyn azamattar bolsa, evakýatsııa júrgizilgen barlyq eldi mekenderdi qaıta tekserýdi tapsyramyn. Barlyq adamdardyń qaýipsiz aımaqta bolýyn qadaǵalaý kerek», — dep tapsyrdy Roman Sklıar.
Premer-Mınıstrdiń birinshi orynbasary tótenshe jaǵdaıdyń aldyn alý úshin barlyq mobıldi toptar, arnaıy tehnıkalar, qosymsha júk tıegishter, ınertti materıaldar tasqyn qaýpin joıýǵa daıyn bolýy kerektigin basa aıtty.