ASTANA. KAZINFORM — Qazaqstandyq tennısshi, álemniń 276-raketkasy Dmıtrıı Popko Resıfe (Brazılııa) ITF týrnıriniń ekinshi aınalymyna shyqty.
Jarystyń 2-raketkasy bolyp tirkelgen qazaqstandyq tennısshi bastapqy kezdesýin dúnıejúzilik reıtıngide 956-orynda turǵan Paýlo Andre Dos Santospen sátti ótkizdi. Popko brazııalııalyq qarsylasyn 6:3, 6:1 esebimen tize búktirdi.
Ol endi shırek fınalǵa shyǵý úshin reıtıngide 969-satydaǵy frantsııalyq Kýentın Follıotpen talasady.
Buǵan deıin qazaqstandyq tennısshi AQSh-tyń Florıda shtatynda ótken úsh ITF jarysynda jeńimpaz atanyp, al Argentınanyń Týkýman qalasynda fınalǵa deıin jetti. Týkýmanda brazılııalyq Pedro Sakamotomen ótýi tıis sońǵy báseke aýa raıyna baılanysty bolmaı qaldy da, upaı fınalıster arasynda teń bólindi.
Sol oıyndy eseptemegende, Popko qatarynan 20 kezdesýin jeńispen aıaqtap otyr.
Eske sala keteıik, budan buryn Mıhaıl Kýkýshkınniń jeńis serııasyn 13-ke jetkizgenin jazǵan bolatynbyz. Sondaı-aq qazaqstandyq tennısshiler Indıan-Ýells týrnırin jeńispen bastady.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).