Qazaqstandyq Dmıtrıı Popko dúnıejúzilik reıtıngide 16 satyǵa joǵarylady

<p>ASTANA. KAZINFORM &ndash; Kásibı tennısshiler qaýymdastyǵynyń (ATP) jańartylǵan reıtıngisinde qazaqstandyqtardyń orny belgili boldy.</p>

Serbııalyq Novak Djokovıch burynǵysha kósh bastasa, ıspanııalyq Karlos Alkaras ekinshi, ıtalııalyq ıAnnık Sınner úshinshi orynda qaldy.

Qazaqstannyń birinshi raketkasy Aleksandr Býblık 21-den 23-ke, sondaı-aq Aleksandr Shevchenko 45-ten 47-ge, Mıhaıl Kýkýshkın 163-ten 165-ke syrǵydy. Denıs Evseev 179-da qalsa, Beıbit Juqaev 192-den 190-ǵa kóterildi.

Reıtıngide óz kórsetkishin kúrt jaqsartqan AQSh-taǵy qatarynan úsh týrnırde jeńimpaz atanǵan Dmıtrıı Popko boldy. Ol 325-ten birden 16 satyǵa joǵarylap, 309-orynǵa ornyqty. Ol TOP-300-ge enýge jaqyn tur.

Juptyq synda Qazaqstannyń birinshi raketkasy Aleksandr Nedovesov 51-den 49-ǵa, Andreı Golýbev 74-ten 70-ke shyqty.

Eske sala keteıik, budan buryn Elena Rybakınanyń álemdik reıtıngide tórtinshi ornyn saqtap qalǵanyn jazǵan bolatynbyz.

Sondaı-aq qazaqstandyq jas tennısshiler halyqaralyq jarystarda jeńimpaz atandy.