ASTANA. KAZINFORM – Qazaqstandyq, álemniń 338-raketkasy Dmıtrıı Popko AQSh-taǵy Palm-Koýst ITF týrnıriniń fınalyna shyqty.
Týrnırdiń 2-raketkasy bolyp tirkelgen qazaqstandyq tennısshi jartylaı fınalda dúnıejúzilik reıtıngide 440-orynda turǵan rýmynııalyq Gabı Adrıan Boıtanmen jolyqty.
D.Popko qarsylasyn 6:2, 6:0 esebimen oısyrata utty. Match bir saǵattan astam ýaqytqa sozyldy.
Dmıtrıı Popko fınalda álemniń 601-raketkasy, amerıkalyq Aleks Rybakov nemese reıtıngide 650-satydaǵy ekvadorlyq Andres Andradeniń qaı jeńgenimen bas júldeni sarapqa salady.
Qazaqstandyq sportshy bir apta buryn Florıda shtatyndaǵy dál osyndaı Sanraız dodasynyń fınalynda A.Rybakovty 7:5, 6:2 esebimen utyp, chempıon atanǵan edi.
Eske sala keteıik, Dmıtrıı Popkonyńń AQSh-taǵy jarystyń jartylaı fınalyna ótkenin jazǵan bolatynbyz.
Ǵaısaǵalı Seıtaq
1980 jyly A. Pýshkın atyndaǵy Oral pedagogıkalyq ınstıtýtyn (M. Ótemisuly atyndaǵy BQÝ) qazaq tili men ádebıeti mamandyǵy boıynsha bitirgen. Tasqala aýdandyq «Ekpin» gazetinde tilshi, bólim meńgerýshisi boldy. Oblystyq «Oral óńiri» gazetinde tilshilikten bas redaktorlyqqa deıingi joldan ótti. «Jaıyq Press» JShS bas dırektorynyń birinshi orynbasary qyzmetin atqardy. 2000 jyldan beri Kazinform halyqaralyq aqparat agenttiginiń BQO-daǵy menshikti tilshisi. Qazaqstan Jazýshylar jáne Jýrnalıster odaǵynyń múshesi. Respýblıkalyq «Jalyn» jýrnaly belgilegen Tólegen Aıbergenov atyndaǵy syılyqtyń (1987) jáne sport jýrnalısteri arasynda Seıdahmet Berdiqulov atyndaǵy syılyqtyń laýreaty (2015). «Eren eńbegi úshin» medaliniń ıegeri. Halyqaralyq «Alash» ádebı syılyǵynyń laýreaty (2024).