Qazaqstandyq dıplomat áıelin 10 jyl boıy uryp kelgen

<p>ASTANA. KAZINFORM &ndash; Qazaqstandyq dıplomattyń áıeli kúıeýiniń únemi uryp-soǵatynyna shaǵymdandy. On jyl boıy zorlyq-zombylyqqa tózip kelgen ol aqyry áleýmettik jelide bar shyndyǵyn jaıyp saldy.</p>

Belgili bolǵandaı, Qazaqstannyń BAÁ-degi elshiliktiń keńesshisi Mamash Sáken Táshkenbaıuly áıeline únemi kúsh kórsetip, tipti keshe, ıaǵnı 5 mamyrda jubaıynyń ápkesine de qol kótergen.

«Men Mamash Karına Gosmanqyzy, BAÁ-degi elshiliktiń keńesshisi Mamash Sáken Táshkenbaıulynyń jubaıymyn. Men 10 jyl boıy zorlyq-zombylyq kórip kele jatqanymdy málimdeımin. Maǵan fızıkalyq, jynystyq, emotsıonaldyq, turmystyq zorlyq kórseti. Kúıeýimniń maǵan jasaǵan barlyq qııanaty úshin dıplomatııalyq mártebesinen aıyryp, túrmege jabylǵanyn qalaımyn», - deıdi Karına Mamash.

QR Syrtqy ister mınıstrligine habarlasqanymyzda, bul jaǵdaıdan habardar ekenin jetkizdi.

«Biz bul qyzmetkerdi Qazaqstanǵa shuǵyl qaıtaryp jatyrmyz. Onyń isimen quqyq qorǵaý organdary aınalysady», - dedi QR Syrtqy ister mınıstrliginiń resmı ókili Aıbek Smadııar.