Qazaqstandyq delegatsııa Túrki memleketteri uıymy energetıka mınıstrleriniń 4-shi otyrysyna qatysty

<p>BІShKEK. KAZINFORM &ndash; Qazaqstan Respýblıkasy Energetıka vıtse-mınıstri Suńǵat Esimhanov bastaǵan qazaqstandyq delegatsııa Bishkek qalasynda (Qyrǵyzstan) ótip jatqan Túrkimemleketteri uıymyna múshe elder energetıka mınıstrleriniń tórtinshi otyrysyna qatysty. Bul týraly vedomstvonyń baspasóz qyzmeti málim etti.&nbsp;</p>

Otyrys barysynda qatysýshylar TMU elderiniń energetıkalyq saıasatyndaǵy yntymaqtastyqtyń jaı-kúıi men damý perspektıvalaryn qarady.

Suńǵat Esimhanov atap ótkendeı, TMU energetıka mınıstrleriniń kezdesýi týrbýlentti álemdik oqıǵalardy eskere otyryp, qatysýshy elder úshin energetıka salasyndaǵy ózekti máselelerdi talqylaýǵa múmkindik beretin turaqty dástúrge aınalyp keledi. 

Foto: QR Energetıka mınıstrligi

«Árıne, túrki áleminiń mádenı, ekonomıkalyq, gýmanıtarlyq habqa, sondaı-aq energetıka salasyndaǵy syndarly dıalogty damytý úshin tabysty dıalog alańyna aınalý múmkindigine ıe. Búgin biz TMU-ǵa múshe barlyq memlekettermen jáne baqylaýshylarmen ekijaqty jáne kópjaqty formattarda yntymaqtastyqty josparly túrde damytyp jatyrmyz»,- dep atap ótti Vıtse-mınıstr.

Kezdesýde qazba otyndary men taza energııa kózderinińbirin-biri tolyqtyratyn artyqshylyqtaryn paıdalaný, eksporttyq áleýetti arttyrý jáne jahandyq óndiristik-ótkizý tizbeginiń senimdiligi men úzdiksiz jumys isteýinqamtamasyz etý máselelerine erekshe nazar aýdaryldy.

Qazaqstandyq tarap jańartylatyn jáne balamaly energııa kózderi salasyndaǵy yntymaqtastyqty damytýǵa, jasyl sýtekti óndirý jáne saqtaý boıynsha birlesken zertteýler júrgizýge, sondaı-aq atom ónerkásibi salasyndaǵy yntymaqtastyqty damytýǵa jáne tájirıbe almasýǵa serpin berý qajettigin atap ótti.

«Búgingi tańda atom ónerkásibi Qazaqstannyń energetıkalyq sektoryn damytýdyń perspektıvaly vektorlarynyń biri retinde kórinedi, onyń ishinde qazaqstandyq mamandardyń ǵylymı áleýetin arttyrýǵayqpal etýge qabiletti. Osyǵan baılanysty biz osy saladaǵy jobalardy iske asyratyn eldermen, atapaıtqanda Túrkııa men Vengrııamen tájirıbe almasýǵa múddelimiz», - dep atap ótti S.Esimhanov.

Otyrys barysynda yntymaqtastyqtyń mańyzdy baǵyttaryn sıpattaıtyn Birlesken kommıýnıkege qol qoıyldy.

Sonymen qatar, vıtse-mınıstr TMU-nyń keıbir elderimen ekijaqty kezdesýler ótkizdi, onyń barysynda birlesken qoldanystaǵy jáne bolashaq jobalardyń perspektıvalary talqylandy.