Qazaqstandyq bitimgerler Taıaý Shyǵysta óz mıssııasyn bastady

<p>ASTANA. KAZINFORM &mdash; BUU Taıaý Shyǵystaǵy táýelsiz mıssııasyn oryndaý úshin Qazaqstannan attanǵan áskerıler Sırııaǵa aman-esen jetti.</p>

14 naýryzda 139 adamnan turatyn alǵashqy eshelondy Almatydan saltanatty túrde shyǵaryp saldy.

15 naýryzda bitimgershilik kontıngenttiń jeke quramy QR áýe qorǵanysynyń 295 kúshimen úsh ushaqpen Damaskige aman-esen jetti. Ary qaraı álemniń eń turaqsyz aımaqtarynyń biri – Golan bıiktigine bet alady. Bul aımaq daýly aımaq bolyp sanalady. Onyń kóp bóligi Izraıldiń baqylaýynda jáne shyǵys bóliginde shamamen 600 sharshy shaqyrym Sırııanyń yqpal etý aımaǵynda ornalasqan.

Sırııa aýmaǵynda qazaqstandyqtardy jyly qarsy aldy. Jergilikti turǵyndar Qazaqstannyń áskerı kúshteri Taıaý Shyǵys aımaqtarynda tártipti qamtamasyz etý boıynsha erekshe jáne mańyzdy jumys úshin ushyp kelgenin túsinedi.

Áýejaıda tıisti protsedýralardan ótip, bagajdy tıegennen keıin bizdiń áskerıler BUU bazasyna bet aldy.

Jaqyn arada bizdiń áskerıler Damaskige bitimgershilik kúshterinen buryn jiberilgen tehnıka men qarý-jaraqty qabyldaıdy.

Foto: Akjıgıt Chýkýbaev/ Kazinform