Qazaqstandyq bitimgerler Malıden elge oraldy

<p>BUU-nyń Malıdegi turaqtandyrý jónindegi kópsalaly keshendi mıssııasynyń quramynda (MINÝSMA) bir jyl qyzmet etken Qazaqstan Qarýly kúshteriniń eki áskerı qyzmetshisi elge oraldy, dep habarlaıdy&nbsp;<a href="https://kaz.inform.kz/" target="_blank" rel="noopener">Kazinform</a>.</p>

QR Qorǵanys mınıstrliginiń málimetine súıensek, Afrıka Respýblıkasynda olar shtab ofıtserleri retinde qyzmet atqarǵan.

«Mıssııa barysynda biz aqparat jınap, taldaý jasadyq. Materıaldyq-tehnıkalyq qamtamasyz etý máseleleri boıynsha shtabqa usynystar daıyndadyq, jaýapkershilik sektorlarynda BUU bazalarynyń daıyndyǵyn tekserdik», – dedi bitimger Ermek Tólesov.

Qazaqstanǵa kelgennen keıin podpolkovnık E. Tólesov Qorǵanys mınıstrliginiń Bitimgerlik operatsııalar ortalyǵynda oqytýshylyq qyzmetin jalǵastyrady. Ol BUU-nyń basqa mıssııalary úshin bitimgerlerdi daıyndaýmen aınalysyp, tájirıbe bólisetin bolady. Sebebi, Ermek Tóleýov Malıden basqa, birneshe jyl buryn Batys Saharadaǵy BUU mıssııasynda qyzmet etken.