ASTANA. KAZINFORM — Ázerbaıjannyń Evlah qalasynda 27 qyrkúıek — 6 qazan aralyǵynda ótetin TMD elderiniń oıyndaryna qatysatyn Qazaqstan jasóspirimder quramasy belgili boldy. Onda 2009-2010 jyldary dúnıege kelgen boksshylar baq synaıdy.
Elimizdiń namysyn Ańsar Ýsenhan (46 keli), Qorǵanbek Baltın (48 keli), Aslan Jeńispaev (50 keli), Edige Nurqoja (52 keli), Jalǵas Apbaz (54 keli), Ulas Álimjan (57 keli), Islam Sýleımenogly (60 keli), Aldııar Baıandınov (63 keli), Amır Ramazan (66 keli), Daryn Tólegen (70 keli), Tóreǵalı Seıdýllaev (75 keli), Baýyrjan Alıakbar (80 keli) men Erketań Jarqynbek (80 keliden joǵary) qorǵaıdy.
Jasópirimder quramasynyń aǵa jattyqtyrýshy qyzmetin Baǵdat Ońǵarbekov atqarady.
Aıta ketsek, bıyl bokstan eresekter arasyndaǵy el chempıonaty Semeı qalasynda ótedi.
Qazaqstandyq bylǵary qolǵap sheberleri 12-19 qazan aralyǵynda ár salmaqta ózara myqtyny anyqtaıdy. Oǵan elimizdiń barlyq óńirinen tájirıbeli boksshylar keledi dep josparlanǵan.
Ádiljan Úmbet
1996 jyly Ál-Farabı atyndaǵy Qazaq memlekettik ulttyq ýnıversıtetiniń jýrnalıstıka fakýltetin támamdaǵan. Eńbek jolyn 1996 jyly Almaty qalalyq «Almaty aqshamy» gazetinde bastady. Odan keıin jyldarda Qorqyt ata atyndaǵy Qyzylorda memlekettik ýnıversıtetinde, «Aqmeshit aqshamy», «Syr boıy» gazetterinde qyzmet atqaryp keledi.
2015-2020 jyldarda «Aqmeshit aptalyǵy» gazetiniń bas redaktory boldy.
Negizgi qyzmetimen qosyp 2006-2014 jyldarda respýblıkalyq «Jas Qazaq», «Alash aınasy» gazetteriniń Qyzylorda oblysyndaǵy menshikti tilshisi bolyp eńbek etti.
2018 jyldan beri «Kazinform» aqparat agenttiginde Qyzylorda oblysyndaǵy menshikti tilshi.