Qazaqstandyq boksshy Olımpıadaǵa joldama beretin jarystarǵa qatysa almaıtyn boldy

<p>ASTANA. KAZINFORM &ndash; Qazaqstandyq boksshy Tórehan Sabyrhan (63,5 keli) Parıj Olımpıadasyna joldama sarapqa salynatyn barlyq jarystarǵa qatysa almaıdy. Oǵan basty sebep &ndash; jasynyń 19-ǵa tolmaýy.&nbsp;</p>

Bul týraly boksshynyń jeke bapkeri Іlııas Oralbekov málimdedi.

«Ókinishke qaraı, Tórehan shákirtim sparıngke qatyspaıdy. Halyqaralyq Olımpıada Komıteti Tórehan Sabyrhannyń (jasy 18-de)  ruqsat eltilgen shekti 19 jasqa tolmaýyna baılanysty qatysýǵa shekteý qoıdy. Qoldaǵandaryńyzǵa kóp rahmet, jeńisti kúnderimiz áli alda», - dep jazdy Tórehan Sabyrhannyń jeke bapkeri. 

Osydan birer kún buryn Astanada 8-10 sáýir kúnderi ótetin sparrıngtik týrnırge 63,5 kelide qatysatyn boksshylar anyqtalǵan bolatyn. Bul salmaqta jastar quramasynda óner kórsetetin Tórehan Sabyrhanǵa Olımpıadanyń lıtsenzııalyq týrnırine joldama beretin sparrıngtik jekpe-jekterge qatysýy tıis edi. Alaıda, ol 19 jasqa tolmaýyna baılanysty atalǵan básekege qatystyrylmaıtyn boldy.

Esterińizge sala keteıik, osyǵan deıin 63,5 keli salmaqta lıtsenzııalyq týrnırge baratyn boksshy sparrıng arqyly anyqtalatynyn jazǵan bolatynbyz.

Olardyń tizimi tómendegideı:

Ertýǵan Zeınýllınov
Muhammedsabyr Bazarbaıuly
Dýlat Bekbaýov
Jandos Qydyrálıev
Serik Temirjanov.