Qazaqstandyq boksshy Azııa oıyndaryn jeńispen bastady

<p><span style="font-family: sans-serif; font-size: 18px;">Qazaqstandyq boksshy Ertýǵan Zeınýllınov Hanchjoý qalasynda ótip jatqan Azııa oıyndaryn jeńispen bastady, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</span></p>

Qazaqstandyqtardan alǵashqy bolyp rıngke shyqqan E.Zeınýllınov 63,5 kelige deıingi salmaqta 1/16 fınalda ıordanııalyq Obada Alkasbehpen judyryqtasty.

Óz sporttyq jolynda alǵash ret iri jarysta el namysyn qorǵap jatqan Ertýǵan úsh raýnd boıy jeńisine kúmán keltirgen joq – 5:0.

Ertýǵan Zeınýllınovtiń kelesi qarsylasy – bıylǵy álem chempıonatynyń qola júldegeri, Azııa chempıony, tájikstandyq Bahodýr Ýsmonov.

Ertýǵan Azıada barysynda B.Ýsmonovty joldan taıdyrsa, ózbekstandyq qandasymyz, álem chempıony Rýslan Abdýllaevpen de kezdesýi múmkin.

Dúısenbi kúni Qazaqstannan Natalıa Bogdanova men Sáken Bıbosynov rıngke shyǵady.

Eske sala keteıik, budan buryn Azııa oıyndarynda qazaqstandyq boksshylardyń qashan rıngke shyǵatyny belgili bolǵanyn jazǵan edik.