Qazaqstandyq balýandar Frantsııada ótken jarystan júldeli oraldy
Atalǵan jarysta erkin kúres sheberleri el namysyn qorǵady. Olardyń qatarynan Ábdimanap Baıgenjeev (92 keli) kúmis alsa, Rıfat Saıbotalov (70 keli) pen Erhan Beksýltanov (79 keli) qola júldeger atandy.
Anrı Deglan 1924 jyly Parıjde ótken jazǵy Olımpıadada 82 keli salmaqta chempıondyq ataqty jeńip aldy.
Aıta ketsek, kúres túrlerinen Azııa chempıonaty men aldaǵy reıtıngilik týrnırlerge qatysatyn balýandar el birinshiliginde anyqtalady.
Qazir kúres túrlerinen el quramasy enshisinde 2024 jylǵy Parıj Olımpıadasyna 2 joldama bar.
Onyń birine erkin kúresten Azamat Dáýletbekov ((86 keli) qol jetkizse, taǵy bireýi grek-rım kúresinen Nursultan Tursynovtyń (87 keli) enshisine buıyrdy.
Endigi kezekte kúres túrlerinen qazaqstandyq balýandar eki irikteý týrnırine qatysady.
Onyń alǵashqysy — 19-21 sáýir kúnderinde Qyrǵyzstan astanasy Bishkek qalasynda qurlyqtyq irikteý týrnıri bolsa, ekinshisi - Túrkııanyń Ystanbul qalasynda ótetin álemdik irikteý týrnıri.