Qazaqstandyq balýandar álemdik reıtıngte kósh bastady

<p>Erkin kúres sheberi Rızabek Aıtmuhan álemdik reıtıngte kósh bastady, dep habarlaıdy <a href="Kazinform" target="_blank" rel="noopener">Kazinform</a>.</p>

Birikken kúres álemi qaýymdastyǵy tarapynan álemdik reıtıng jańartyldy. Reıtıng sportshylardyń álem chempıonaty men HІH jazǵy Azııa oıyndarynan keıingi nátıjesi boıynsha jasaldy.

Ol boıynsha erkin kúresten Rızabek Aıtmuhan 92 keli salmaq dárejesinde birinshi orynǵa shyqty. Balýan táýelsiz Qazaqstan tarıhynda erkin kúresten tuńǵysh álem chempıony atanǵan edi.

Qazaqstandyq balýan fınalǵa deıingi tórt kezdesýdiń barlyǵynda jeńiske jetti. Aldymen vengrııalyq Balaj ıÝhasty 13:3 esebimen jeńse, odan keıin túrkııalyq Feızýlla Aktıýrkti 11:0 esebimen tize búktirdi.

Al jartylaı fınalda grýzııalyq Mırıanı Maısýradzeden basym tússe, fınalda ázerbaıjandyq Osman Nýrmagomedovti qapy qaldyrdy.

Áıelder kúresinde Jámılá Baqbergenova (72 keli) jańartylǵan reıtıngte úzdikter kóshin bastady.

Ol álem chempıonatynda qola júldeger atandy. Sondaı-aq, ol 2021 jáne 2022 jyldary álem chempıonatynda kúmis júldeger bolǵan edi.