Qazaqstandyq balalar qandaı aýrýlarmen jıi aýyrady

<p>ASTANA. KAZINFORM &ndash; Elimizde jyl saıyn 500-600 balada aýrý anyqtalady, olar jedel leıkozben, ortalyq júıke júıesiniń isikterimen, jumsaq tinderdiń sarkomalary jáne basqa da aýrýlarmen aýyrady. Bul týraly QR DSM Ana men bala densaýlyǵyn qorǵaý departamentiniń dırektory Maǵrıpa Embergenova aıtyp berdi.</p>

«2024 jyldyń 9 aıyndaǵy jedel málimetterge sáıkes, 2023 jyldyń 9 aıymen salystyrǵanda, ana ólimi 28%-ǵa tómendegen. Ol 1000 tiri týǵan nárestege 12,5-den 9,1-ge deıin azaıǵan. Náresteler ólimi de tómendep, 1000 tiri týǵan nárestege 7,3-ten 6,9-ǵa deıin, ıaǵnı 6,7%-ǵa azaıǵan», - dedi M. Embergenova Ortalyq kommýnıkatsııalar qyzmetinde.

Sonymen birge, spıker 17 jasqa deıingi balalardyń jalpy aýrýshańdyq kórsetkishin baıandady.

«Bul sanatta birinshi orynda tynys alý músheleriniń aýrýlary (100 myń adamǵa 36 947), ekinshi orynda – as qorytý aýrýlary (6 215), úshinshi orynda – júıke júıesiniń aýrýlary (3 028), tórtinshi orynda – kóz aýrýlary (2 739) tur», - dep túsindirdi departament basshysy.

2023 jyldyń qorytyndysy boıynsha, teri aýrýlary 4-orynda, kóz aýrýlary 5-orynda bolǵan edi.

Osylaısha, 2022 jyldan beri 0-17 jastaǵy balalardyń jalpy aýrýshańdyq qurylymynda tynys alý, as qorytý jáne júıke júıesiniń aýrýlary alǵashqy 3 orynda saqtalyp keledi. Al teri men kóz aýrýlary sońǵy 2 jyl boıy 4 nemese 5 orynda tur.

Buǵan deıin M. Embergenova 55 naýqas balanyń shetelde emdelýine joldama berilgenin aıtqan edi.