Qazaqstandyq atlet frıstaıl-mogýldan álem kýbogynda kúmis júlde aldy

<p>ASTANA. KAZINFORM &ndash; Frıstaıl-mogýldan Qazaqstan komandasynyń úzdigi Pavel Kolmakov Almatyda ótip jatqan álem kýbogynda kúmis medal jeńip aldy.&nbsp;</p>

Otandasymyz jartylaı fınalda Kolmakov fınlıandııalyq Sıverı Vıerelladan basym tústi. Al aqtyq synda tanymal sportshy, kanadalyq Mıkael Kıngsberımen kezdesken bolatyn.

Úlken fınalda Kolmakov Kıngsberıge ese jiberip, óz jerimizde ótken álemdik dodanyń kúmis júldesine ıelik etti. 

1/8 fınalda Pavel Kolmakov shvetsııalyq Rasmýs Stegfelden basym tústi. 

Al, áıelder arasyndaǵy 1/8 fınalda Anastasııa Gorodko amerıkalyq Djeılın Kaýfqa ese jiberdi. ıÝlııa Galysheva jarys jolyna shyqqan joq.

Esterińizge sala keteıik, keshe jarystyń birinshi kúni áıelder arasynda qazaqstandyq ıÝlııa Galysheva 68.58 upaımen besinshi oryn alsa, erler arasynda jerlesimiz Pavel Kolmakov 72.53 upaımen altynshy orynǵa taban tiregen bolatyn. 

Atalǵan básekede frıstaıl-mogýldan Qazaqstan namysyn áıelder arasynda ıÝlııa Galysheva, Aıaýlym Ámrenova, Anastasııa Gorodko, ıÝlııa Feklıstova, Vıktorııa Kýznetsova, Anastasııa Larıonova qorǵasa, erler arasynda Pavel Kolmakov, Anton Bondarev, Fedor Býgakov, Maksım Emelıanov, Denıs Rastrýba, Semen Rýsakov, Ilnar Ibragımov synǵa túsip jatyr.