Qazaqstandyq ánshi «Slavıan bazary» baıqaýynda birinshi oryn aldy

<p>ASTANA. KAZINFORM &ndash; Belarýste &laquo;Vıtebsk-2024&raquo; estradalyq án oryndaýshylar baıqaýy aıaqtaldy. Ondaǵy Bas júldeni moldovalyq ánshi Karolına Balan, al birinshi oryndy qazaqstandyq Ernazar Juban jeńip aldy. Bul týraly Kazinform&nbsp;<a href="https://news.belta.by/society/view/gran-pri-konkursa-ispolnitelej-slavjanskogo-bazara-zavoevala-moldavanka-karolina-balan-647851-2024/" target="_blank" rel="noopener"> BELTA </a>agenttigine silteme&nbsp; jasap habarlaıdy.</p>

Ekinshi oryndy ıtalııalyq Marıam Tankredı men reseılik Ekaterına Kýzına bólisti. Qazylar alqasynyń úshinshi orynǵa qatysty sheshimi uqsas boldy, bul júlde bolgarııalyq Valerııa Chýchman men belarýs Nevena Peıkovaǵa berildi.

Foto: BELTA

Sondaı-aq, Venesýela, Ispanııa, Latvııa, Slovenııa, Túrkııa, Ózbekstan, Horvatııa, Chehııa jáne Ońtústik Afrıka elderiniń ókilderi baıqaýdyń dıplomanttary atandy. Al Ońtústik Afrıkadan kelgen Thami Mbatha ulttyq taqyrypty úzdik oryndaǵany jáne joǵary oryndaýshylyq sheberligi úshin Vladımır Mýlıavın atyndaǵy arnaıy syılyqty aldy.

Belarýs jáne Reseı Odaǵy Parlamenttik jınalysynyń arnaıy júldeleri belarýs Valerııa Chýchman men reseılik Ekaterına Kýzınaǵa berildi. «Mır» memleketaralyq teleradıokompanııasynyń ulttyq dástúrlerdi saqtaýdaǵy joǵary sheberligi úshin «Án – dostastyqty saqtaýǵa jol» arnaıy marapaty Ózbekstan ókili Sálımaǵa berildi.

Belarýs Prezıdenti bekitken «Slavıan úmiti» arnaıy syılyǵymen Latvııadan kelgen Kaleriya marapattaldy. Ony premer-mınıstrdiń orynbasary, festıvaldiń uıymdastyrý komıtetiniń tóraǵasy Igor Petrıshenko tabys etti.

Baıqaýdyń alǵashqy kúni qatysýshylar Belarýs Respýblıkasy Prezıdenttik orkestriniń súıemeldeýimen slavıan hıtin oryndady, al ekinshi kúni qatysýshylar «-1» fonogrammasymen álemdik hıtterdi shyrqady.

Ónerpazdardy Reseı, Moldova, Meksıka, Danııa jáne Bolgarııadan kelgen tanymal ánshiler men prodıýserler baǵalady. Halyqaralyq qazylar alqasyn ánshi, Qazaq KSR Halyq ártisi Roza Rymbaeva basqardy.

Esterińizge salsaq, buǵan deıin Saǵyn Ómirbaıuly «Slavıan bazarynyń» balalar baıqaýynda ekinshi oryn alǵanyn jazǵan edik.