Qazaqstandyq Alına Sarkýlova Antalııadan ekinshi altyn medalin jeńip aldy

<p>ASTANA. KAZINFORM &ndash; Búgin Túrkııanyń Antalıa qalasynda maýntınbaıktan Kuzilalan Cup (Qyzylalan Kýbogy) máresine jetti.</p>

Sportty damytý dırektsııasynyń baspasóz qyzmeti málim etkendeı, atalǵan dodada kross-kantrı baǵdarlamasynda Alına Sarkýlova taǵy top jaryp, ekinshi altyn medalin moınyna taqty. Ol keshegi áıelder arasyndaǵy jarysta da jeńiske jetken. 

Munda taǵy bir Ulttyq qurama sportshysy Tatıana Geneleva qola medal ıelendi. Keshe Tatıana kúmis júldeger atanǵan. Olımpıada baǵdarlamasyna kiretin bul sanatta keshe Alına Spırına úzdik bestikti túıindedi.

Búgin erler arasynda Denıs Sergıenko 2-oryn aldy. Keshe ol júldege bir taban jetpeı, 4-satydan kóringen.

Aıta keteıik, Alına Sarkýlova byltyr 28-29 qańtarda aralyǵynda ótken Kuzilalan Cup týrnırinde 2 márte chempıon atanǵan. Qazir onyń osy jarysta qol jetkizgen júlde sany 4 altynǵa jetti.