Qazaqstandyq Alı Ahmedov kásipqoı mansabyndaǵy 22-shi jeńisine qol jetkizdi

<p>ASTANA. KAZINFORM &ndash; Sýper orta salmaqtaǵy qazaqstandyq boksshy Álı Ahmedov (21-1,16KO) búgin Irlandııada ótkizgen kezekti jekpe-jeginde jeńiske jetti.</p>

Alıdiń qarsylasy frantsýz Per ıÝber Dıbombe boldy. Jekpe-jek barlyq 10 raýndqa sozylyp, Ahmedov tóreshilerdiń sheshimimen jeńiske jetti. Bul – qazaqstandyq boksshynyń kásipqoı mansabyndaǵy 22-shi jeńisi.

Aıta keteıik, boks keshi Irlandııanyń Dýblnı qalasyndaǵy 3Arena kesheninde ótti. Basty jekpe-jekte jergilikti boksshy Kallým Ýolsh polshalyq Pshemyslav Rýnovskıımen judyryqtasyp, WBC Continental Americas Super Welter beldigin sarapqa saldy.

Boks keshi Gennadıı Golovkınniń promoýteri Tom Lefflerdiń «360 Promotions» promoýterlik kompanııasynyń uıymdastyrýymen ótti.

Eske sala ketıik, bul – Álı Ahmedovtyń osy jyldaǵy úshinshi jekpe-jegi. Ol buǵan deıin Karlos Rıvero jáne Enkarnatsıon Dıasty merziminen buryn jeńgen bolatyn.

Aıta ketsek, búgin Almaty oblysyndaǵy Aleksandr Asanov atyndaǵy atý klýbynda stend atýdan Azııa Kýbogy bastaldy. Atalǵan sary qurlyq dodasy elimizde alǵash ret jalaýyn jelbiretip otyr. Jarystyń ashylý saltanaty 21 qyrkúıek, saǵat 17:30-da A.Asanov atyndaǵy atý kesheninde ótedi.