Qazaqstandyq 70 oqýshy Úndistanda robototehnıka chempıonatyna qatysady

<p>ASTANA. KAZINFORM -&nbsp;Quramynda barlyǵy 70 oqýshy bar alty qazaqstandyq komanda Úndistanǵa robototehnıka chempıonatyna jol júrip ketti. Olar The Goa International Robotics Festival ashyq chempıonatynda baq synasady.&nbsp;</p>

Sana Team, Zhylyoi technic, Qazaq style, Xcellence, Billion team, Stay hydrated jáne Nova Fusion komandalary úsh sanat boıynsha saıysqa túsedi: FIRST LEGO League Explore, FIRST Lego League Challenge jáne FIRST Tech Challenge. Olardyń quramynda Astana jáne Almaty qalalarynan, Atyraý oblysynyń Qulsary, Pavlodar oblysynyń Ekibastuz qalalarynan kelgen oqýshylar da bar. 

«Bul chempıonatqa buryn halyqaralyq jarystarda tájirıbesi joq oqýshylar da qatysýǵa múmkindik aldy. Bizdiń balalarymyz el namysyn joǵary deńgeıde qorǵaýǵa nıetti», - deıdi Almaty qalasy bilim basqarmasy janyndaǵy «Almaty daryny» ortalyǵynyń bólim basshysy Janna Almýsaeva. 

Esterińizge sala keteıik, qazaqstandyq oqýshylar ótken jyldyń jeltoqsan aıynda USTEM Foundation Qoǵamdyq Qory uıymdastyrǵan Almaty Tech Cup respýblıkalyq týrnırinde Almaty qalasy ákimdiginiń jáne Oqý-aǵartý Mınıstrliginiń qoldaýymen chempıonatqa joldama alǵan edi. Chempıonatqa ár elden barlyǵy 220 komanda qatysady.