Qazaqstandy álemge ónerim men ǵylym arqyly tanytqym keledi – Rahat-Bı Ábdisaǵyn

<p>Oksfordta Rahat-Bı Ábdisaǵynnyń kontserti bolyp ótti. Kompozıtor ári pıanıst Výlfson kolledjinde álemdik klassıkterdiń shyǵarmalarymen qatar óziniń jeke týyndysyn da oryndady, dep habarlaıdy <a href="https://kaz.inform.kz/" target="_blank" rel="noopener">Kazinform</a> tilshisi.&nbsp;</p>

«Qazaqtyń Motsarty» atanǵan Rahat-Bı Ábdisaǵyn qarshadaıynan kúı sandyqtyń qulaǵynda oınaıdy. Ol – jıyrmaǵa jetpeı jatyp, jer júzin moıyndatqan kompozıtor ári pıanıst. Álem halqy ónerpazdyń jeke kontsertin asyǵa kútedi. Búgin ondaı múmkindik Oksford jurtshylyǵyna buıyrdy. Mýzykant ónerimen kópshilikti tánti etti. 

Foto: Ǵalymjan Qaramanuly/KazinformKazinform

«Uly klassıkalyq shyǵarmalardy oryndap berdim. Bul – meniń Výlfson kolledji Oksford ýnıversıteti qaýymdastyǵyna bergen rızashylyǵymnyń belgisi. Bir úlken josparym – Qazaqstandyálemge ónerim jáne ǵylym arqyly tanytý», - deıdi Rahat-Bı Ábdisaǵyn.

Mýzykant Oksford ýnıversıteti Výlfson kolledjiniń arnaıy shaqyrýmen kelgen. Munda ol kvanttyq fızıka men zamanýı mýzykanyń baılanysyn zerttep júr. Jaqynda ǵana Brıtan ǵalymdary Rahat-Bıdiń ǵylymı eńbegimen tanysqan. 100-ge jýyq professor onyń izdenisine joǵary baǵa berip otyr. 

Foto: Ǵalymjan Qaramanuly/Kazinform

«Áriptestik nátıjesinde kókjıegimizdi keńeıttik. Menińshe, biz onyń mýzykadaǵy zor tájirıbesinen kóp nárse úırendik. Endi kvanttyq fızıka salasyndaǵy zertteýlerimizdi mýzykalyq turǵydan zerdeleı alamyz», - deıdi Wolfson kolledjiniń prezıdenti Tım Hıtchens.

Kontsertti Oksford ýnıversıtetiniń professorlyq-oqytýshylyq quramy jáne stýdentter tamashalady. Kórermender Bah, Bethoven, Shopen jáne basqa da klassıkterdiń shyǵarmalaryn uıyp tyńdady. Rahat-Bı óziniń tól týyndysyn da oryndady. Cegiz jurttyń tilinde erkin sóıleıtin ónerpaz ár nómirdiń aldynda shyǵarmalarǵa túsinikteme berip otyrdy. 

Foto: Ǵalymjan Qaramanuly/Kazinform

«Búgingi kesh keremet ótti. Zııatkerliktiń, emotsııanyń jáne rýhanı tereńdiktiń erekshe úılesimi mýzyka arqyly jetkizildi. Ǵasyr kompozıtorlarynyń shyǵarmalaryn Rahat-Bı ǵajap oryndady», - deıdi Oksford ýnıversıtetiniń professory Endrıý Brıggs.

Foto: Ǵalymjan Qaramanuly/Kazinform

«Maǵan mýzykanttyń ár nársege tarıh turǵysynda qaraıtyny unaıdy. Dınamıkanyń tarıhy týraly kitap jazdym. Sondyqtan ortaq taqyrybymyz óte kóp. Rahat-Bımen tanysqanyma qýanyshtymyn. Kim biledi? Bir kúni Qazaqstanǵa da baryp qalarmyz», - deıdi táýelsiz Brıtan zertteýshisi Djýlıan Barbýr.

Rahat-Bı Ábdisaǵyn keler jyldyń kóktemine qaraı Shotlandııanyń 4 iri shirkeýinde ózi jazǵan operasynyń tusaýkeserin ótkizbekshi. Shyǵarma Sent Endrıýs ýnıversıteti jáne Koroldik konservatorııanyń qoldaýymen dúnıege kelgen jáne Anglııa men Shotlandııanyń orta ǵasyrlarlyq tarıhy týraly syr shertedi.