Qazaqstandaǵy jylýmen jabdyqtaý ınjenerlik jelileriniń jalpy uzyndyǵy 12,5 myń shaqyrymdy quraıdy

ASTANA. QazAqparat - Qazaqstandaǵy jylýmen jabdyqtaý ınjenerlik jelileriniń jalpy uzyndyǵy 12,5 myń shaqyrymdy quraıdy. Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi brıfıngte QR Ulttyq ekonomıka vıtse-mınıstri Qaıyrbek Óskenbaev aıtty.

Onyń atap ótýnishe, Qazaqstandaǵy jylýmen jabdyqtaý ınjenerlik jelileriniń jalpy uzyndyǵy 12,5 myń shaqyrymdy, gazben jabdyqtaýda 29,4 myń shaqyrymdy, elektr energııasymen jabdyqtaýda 136,6 myń shaqyrymdy quraıdy. Munan bólek qýaty 100 gıgakolorııaǵa deıingi 5 646 qazandyq bar.

«Bul bizdiń ókilettimiz aıasynda turǵyn úı-kommýnaldyq sharýashylyǵyn jańǵyrtý jumystary boıynsha atqaratyn kólemimiz. Óıtkeni, qýaty 100 gıgakolorııadan joǵary jylý elektr stansalary, úlken qazandyqtarmen jumys isteý elimizdiń Energetıka mınıstrliginiń quzyretinde», - dedi Q.Óskenbaev.