Qazaqstandaǵy júk aınalymy 9,5 paıyzǵa ósti

ASTANA. QazAqparat - 2018 jyldyń alǵashqy alty aıynda Qazaqstandaǵy júk aınalymy 281,861 mlrd tonnany qurady. Bul ótken jyldyń osy kezeńimen salystyrǵanda 9,5 paıyzǵa kóp, dep habarlaıdy QazAqparat QR Ulttyq ekonomıka mınıtsrligi stıtıstıka komıtetine silteme jasap.

Jalpy, esepti kezeńde bárinen de temir jol kóliginiń júk aınalymy 11,4 paıyzǵa artqanyn kórýge bolady. Al qubyr júrgizý kóliginde 9,4 paıyz, avtokólik júk aınalymynda - 6,4 paıyz ósim baıqalady. Júk tasymaldaý kólemi 1,838 mlrd tonnany qurady (ótken jyldyń qańtar-maýsymymen salystyrǵanda 6,4 paıyzǵa artqan).  

Aǵymdaǵy jyldyń qańtar-maýsymynda jolaýshy aınalymynyń kólemi 135,004 mlrd jolaýshy-shaqyrymdy qurady (ósim - 5,5 paıyz). Avtokóliktegi jolaýshylar legi - 4,6 paıyzǵa, temir jolda - 7,1 paıyz, áýedegi - 22,6 paıyz ósim kórsetti. Jarty jylda 11,12 mlrd jolaýshy tasymaldanǵan.