Qazaqstandaǵy jasóspirimder arasynda túsik jasatý 5 jylda 2 esege tómendedi - Analar forýmy

ASTANA. QazAqparat - Qazaqstandaǵy jasóspirimder arasynda túsik jasatý 5 jylda 2 esege tómendedi. Bul týraly búgin Otbasyndaǵy toleranttylyq máseleleri jónindegi birinshi respýblıkalyq Analar forýmy barysynda QR Prezıdenti janyndaǵy Áıelder isi jáne otbasylyq-demografııalyq saıasat boıynsha komıssııa múshesi Saltanat Baıqoshqarova málim etti.

«Densaýlyq jáne áleýmettik damý mınıstrligi tarapynan halyq arasynda reprodýktıvti densaýlyq máseleleri boıynsha saýattylyq deńgeıin arttyrý turǵysynda tıisti jumystar qamtamasyz etildi. Sonymen qatar bul máseleler Ulttyq komıssııanyń kún tártibinde birneshe ret kóterilgen bolatyn. Osy baǵyttaǵy jumystar jasóspirimder arasyndaǵy júktilik pen túsik jasatýdy turaqty túrde tómendetýge múmkindik berdi»,- dedi S. Baıqoshqarova.

Onyń sózine qaraǵanda, jasóspirimder arasyndaǵy júktilik 5 jylda 30 paıyzǵa tómendedi. Jasóspirimder arasynda túsik jasatý kólemi bes jylda 2 esege jýyq tómendedi. Alaıda bul problema búginde áli de bar.

Sonymen qatar S. Baıqoshqarova Qazaqstanda sońǵy bes jylda analardyń ólim-jitimi úsh esege tómendegenin, 1,6 esege sábılerdiń ólim-jitimi azaıǵanyn atap ótti.