Qazaqstandaǵy jappaı tártipsizdikter týraly derekti fılm jaryq kórdi
Búgin elordada qańtar qasiretine arnalǵan «Tragıcheskıı ıanvar. Kak eto bylo» atty derekti fılmniń tanystyrylymy ótti.
«Habar» agenttigi túsirgen derekti fılmde elde bolǵan jappaı tártipsizdikterdiń hronologııasy baıandalady.
20 mınýtqa sozylatyn fılmniń avtory «Habar» agenttiginiń tilshisi Aıgúl Ádilova. Onyń aıtýynsha, derekti fılmdi daıyndaýǵa 1 apta ýaqyt jumsalǵan jáne 7 maman eńbek etken.
«Qańtar oqıǵasy qazaqstandyqtar úshin kútpegen jaǵdaı boldy. Jáne oqys oqıǵa elmen qatar búkil álem nazaryn ózine aýdartty. Derekti fılmdi túsirýdegi maqsatymyz – qańtar oqıǵasynyń qalaı bolǵanyn tizbektep kórsetý. ıAǵnı 1 qańtarda Jańaózendegi beıbit sherýden bastap jappaı tártipsizdikterdiń hronologııasy usynylady. Sondaı-aq, fılm arqyly halyqtyń aýyzbirshiligi men tutastyǵyn dáripteımiz. Sebebi der kezinde birlikke kelmegende onyń sońy nemen aıaqtalatynyn eshkim bilmes edi. Árıne, odan bólek Memleket basshysynyń shuǵyl ári senimdi sheshimderi de arqaý boldy», - dedi «Habar» agenttiginiń basqarma tóraǵasy Erlan Bekhojın.
Onyń aıtýynsha, elimiz úshin qańtar oqıǵa úlken sabaq jáne ony tereń zerttep, taldaý jasaý kerek.
Aıta keteıik, atalǵan derekti fılmdi kórermender búgin «Habar» agenttiginen keshki saǵat 20:30-da kóre alady.