Qazaqstandaǵy janar-jaǵarmaı máselesine arnalǵan parlamenttik tyńdaý ótedi

ASTANA. QazAqparat - 2015 jyldyń sáýirinde Májiliste janar-jaǵarmaımen qamtamasyz etý máselelerine arnalǵan parlamenttik tyńdaý ótedi. Búgin Parlament Májilisinde «Nur Otan» partııasy fraktsııasynyń otyrysynda, fraktsııa jetekshisi, palata vıtse-spıkeri Darıǵa Nazarbaeva málim etti.

«Avtokólikter sanynyń artýy ókinishke qaraı, elimizde shyǵarylyp otyrǵan munaı ónimderiniń mólsherine sáıkes kelmeıtini baıqaldy. Saldarynan janarmaı tapshylyǵy oryn aldy. Negizinen ishki naryqty janar-jaǵarmaı materıaldarymen tolyǵymen qamtamasyz etýge baǵyttalady delingen Úkimettiń kóptegen baǵdarlamalary tıimdiligin tanytqan emes», - dedi fraktsııa otyrysyn ashqan Darıǵa Nazarbaeva.

Onyń aıtýynsha, sapasy tómen benzın óndirisi eldegi avtoparkterdiń suranysynan shyqpaı otyr. Bul rette vıtse-spıker otandyq naryqty tipti sapaly maılarmen, avıakerosınmen, sondaı-aq munaı men gazdyń tereń óńdelgen ónimderimen qamtý týraly áńgime tipti bolmaı otyrǵanyn da tilge tıek etti. Al qazaqstandyq úsh munaı óńdeý zaýytynyń ónim óndirisi jylyna 18-19 mln. tonnadan 13-14 mln. tonnaǵa deıin tómendegen.

«Osyndaı jaǵdaılardy eskere kele, Májilistiń jumys josparyna 2015 jyldyń sáýirinde parlamenttik tyńdaý ótkizý engizilip otyr», - dedi D.Nazarbaeva.