Qazaqstandaǵy zamanaýı áskerı tehnıka Ortalyq Azııa elderinde joq - UKK generaly

ASTANA. QazAqparat - Qazaqstandaǵy zamanaýı áskerı tehnıka Ortalyq Azııa elderinde joq. Bul týraly búgin Astanada áskerı sherýden keıin «QazAqparat» tilshisine bergen suhbatynda QR Ulttyq qaýipsizdik komıtetiniń generaly Seıitjan Qoıbaqov málim etti.

«Kórshi elderge qaraǵanda, bizdiń jaǵdaıymyz áldeqaıda jaqsy. Sherýde kórsetilgen zamanaýı tehnıkalar olarda joq. Biraq soǵys bolmasyn degen tilek bar. Qazir Uly Jeńistiń 70 jyldyǵyn toılap jatyrmyz. Sol soǵysta ákelerimiz, atalarymyz, babalarymyz qan tókti, qanshasy oralmady. Elbasymyz búgin bizdiń áskerı daıyndyǵymyzdy taǵy bir pash etti. Biraq degenmen elde tynyshtyq bolsyn, soǵys bizge kelmesin. Qazaqstanda beıbitshilik týy jelbireı bersin», - dedi ol.

«Ózimniń ákem de soǵysta óz eli úshin, halqy úshin soǵysty. Eki ret aýyr jaraqat aldy. Bir joly ústinen bomba túsip, topyraqpen basyp ta qaldy. Kýrs shaıqasynda bolǵan kisi. Jeńis jarııalanǵan kez eń baqytty kez edi, dep eske alatyn jıi. Kóp jaýyngerler endi elge oralmaýy múmkin ekendigin bildi. Surapyl urystarda ólimge moıynsunyp, endi tiri qaıtpaspyn dep, sońǵy saparǵa shyqqan kezderi de bolǵan. Degenmen aman-esen aýylǵa oralyp, qyzmet istep, 10 balany tárbıelep, úlken azamat etip shyǵardy», - deıdi Seıitjan Qoıbaqov.