Qazaqstandaǵy úkimettik emes uıymdar 29 myńnan astam adamdy qamtyp otyr
Búgingi jalpy otyrysta palata depýtattary «Qazaqstan Respýblıkasynyń keıbir zańnamalyq aktilerine kommertsııalyq emes uıymdardyń qyzmeti máseleleri boıynsha ózgerister men tolyqtyrýlar engizý týraly» zań jobasyn talqylaýda.
«Úkimettik emes uıymdar elimizdiń qoǵamdyq-saıası protsesterine yqpal etetin belsendi azamattyq qoǵam ınstıtýttarynyń biri bolyp otyr. Úkimettik emes uıymdar naqty áleýmettik qamtý sektoryna aınalýda. Statıstıkalyq málimetterge saı, úkimettik emes uıymdar salasynda 29 myńnan astam adam qamtylǵan. Elimizde ÚEU sektoryn memleket tarapynan qoldaýdyń kelesideı mehanızmderi qalyptasyp, jumys isteıdi, ol: memlekettik áleýmettik tapsyrys, granttyq qarjylandyrý jáne syılyqaqylar», -dedi Nurlan Ermekbaev.
Onyń sózine qaraǵanda, usynylǵan zań jobasy memlekettik áleýmettik tapsyrys, granttyq qarjylandyrý jáne syılyqaqylar salasyndaǵy zańnamany jetildirý maqsatyndaǵy QR Úkimetiniń Zańdy jobalaý jumystary josparyna sáıkes ázirlendi. Qujat normalaryn ázirleý barysynda eń ozyq tájirıbeler esepke alyndy. Ulybrıtanııa, Kanada, AQSh, Polsha, Frantsııa men Horvatııa sııaqty elderdiń halyqaralyq tájirıbesi zerdelendi. Mysaly, Ulybrıtanııada memlekettik áleýmettik tapsyrys taqyryptaryn qalyptastyrmaı turyp, naqty aımaqtardaǵy kókeıkesti áleýmettik máseleler anyqtalady.
«Shetelderde úkimettik emes uıymdar qyzmetiniń mańyzdy aspektisi ol - esep berý. Óıtkeni qoǵam osy derekterdiń kómegimen úkimettik emes uıymdar qyzmetiniń mánin túsinedi. Jumys tobynyń otyrystary aıasynda zań jobasyndaǵy normalardy naqtylaý men jetildirý maqsatynda depýtattar birqatar túzetýlerge bastamashylyq etti.
Zań jobasynda«Ákimshilik quqyq buzýshylyq týraly» QR Kodeksine jáne 5 zańǵa ózgerister_men tolyqtyrýlar engiziledi. Zań jobasynyń negizgi mindetteri memlekettik áleýmettik tapsyrystyń iske asyrylýyn jetildirýge baǵyttalǵan», - dedi mınıstr.