Qazaqstandaǵy túrmelerde sońǵy úsh jylda 53 azaptaý faktisi tirkelgen

NUR-SULTAN. QazAqparat – Halyqaralyq túrme reformasy Ortalyq Azııadaǵy ókildigi dırektorynyń orynbasary Janna Nazarova Qazaqstandaǵy túrmelerde sońǵy 3 jylda 53 azaptaý faktisi tirkelgenin aıtyp berdi, dep habarlaıdy QazAqparat tilshisi.

«Sońǵy úsh jyldabarlyq ýaqytsha oqshaýlaǵyshtar men túzeý mekemelerinde azaptaýǵa qatysty 53 faktitirkeldi. 13 jaǵdaı qylmystyq-atqarý júıesi mekemelerinde tirkelse, 33-i Іshkiister organdarynyń mekemelerinde bolǵan. Taǵy 7-i basqa jaǵdaılar boıynshatirkeldi», - dedi Janna Nazarova ІІM-de ótken baspasóz máslıhatynda.

Onyń aıtýynaqaraǵanda, keı jaǵdaıda kolonııa qyzmetkerleri óz jumysynyń atqarylýy úshinsottalǵandardy májbúrleýge tyrysqan.

«Joǵaryda atalǵanstatıstıkanyń alty faktisi – ákimshiliktiń erikti kómekshilerdi paıdalanýy bolypotyr. ıAǵnı, bul degenińiz sottalǵandardyń ózin basqa sottalǵandarǵa qarsypaıdalaný degen sóz. Osy fakt boıynsha alty adam sottaldy», - dedi ol.

Eske sala ketsek,buǵan deıin QR ІІM QAJK tóraǵasy Darhan Qanatbekov Qazaqstanda túrmedegiadamdardyń sany 100 myńnan 29 myńǵa azaıǵanyn málim etken bolatyn.

Aıta keterligi, buǵandeıin áleýmettik jelilerde formadaǵy adamdardyń tutqynǵa jábir kórsetýi týraly vıdeo taraǵan edi. Almaty oblysynda bolǵan oqıǵanyń beınejazbasy qoǵam narazylyǵyn týdyrdy.

Aqyry, Almaty oblysyndaǵy LA-155/8 mekemesinde sottalǵandardy azaptaǵan qyzmetkerler jaýapkershilikke tartyldy. Kolonııa basshylyǵy jumystan ketti.