Qazaqstandaǵy tórtinshi munaı óńdeý zaýyty týraly naqty aqparat 2015 jyly paıda bolady

ASTANA. 25 jeltoqsan. QazAqparat - Búgin Astanada ótken baspasóz máslıhatynda «Samuryq-Qazyna» AQ basqarýshy dırektory Málik Sálimgereev Qazaqstandaǵy tórtinshi munaı óńdeý zaýyty (MÓZ) týraly naqty aqparat qaı jyly paıda bolatynyn jetkizdi.

Qazaqstanda tórtinshi munaı óńdeý zaýytynyń qurylysy sońǵy kezde jıi kóterilip júrgenine toqtalǵan ol: «Búginde qoldanystaǵy úsh munaı óńdeý zaýyttaryn qaıta qurý men jańǵyrtý jobalary aıaqtalǵannan keıin, munaı ónimderin tutyný men óndirýdegi uzaqmerzimdi boljamdy eskere otyryp, jańa zaýytty salý qajettiligi 2025 jyly týyndaýy múmkin»,-dedi.

Qazirgi kezde jańa MÓZ-diń qurylysy talqylanyp jatqan kórinedi.

Onyń sózine qaraǵanda, 2014 jyly «QazMunaıGaz» kompanııasy atalǵan zaýyttyń qurylysy boıynsha tehnıkalyq-ekonomıkalyq esepteýler men zertteýge kirisýdi josparlap otyr jáne bul jumystar 2015 jylǵa qaraı aıaqtalmaq. Osy oraıda bul MÓZ-di júzege asyrý, shıkizat boıynsha, sondaı-aq onyń ornalasýy, jobanyń tehnıkalyq-ekonıkalyq mazmuny týraly aqparat 2015 jyly paıda bolatynyn atap ótti.