Qazaqstandaǵy temirjol qozǵalysy: Halyqaralyq tasymal qashan iske qosylady

NUR-SULTAN. QazAqparat – Búgin Nurly jol vokzalynan karantın rejimi engizilgennen keıin ýaqytsha toqtap turǵan alǵashqy qalaaralyq poıyzdar qatynaı bastady, dep habarlaıdy QazAqparat tilshisi.

«Búgin jolaýshylar poıyzy jumysyn bastady, osy arqyly biz vokzal men poıyzdarymyzdyń, sonymen qatar poıyz brıgadasynyń jumysqa daıyn ekenin kórsetkimiz keldi», - dedi «Jolaýshylar tasymaly» AQ Bas dırektorynyń operatsııalyq máseleler jónindegi orynbasary Iorg Besver.

Onyń aıtýynsha poıyzdar kezeń boıynsha iske qosylady.

«Birinshi kezeńde biz 1 maýsymnan bastap 54 jup poıyzdy iske qosamyz. 10 maýsymnan ekinshi kezeń bastalady, ıaǵnı taǵy 39 jup poıyz qosylady. Sodan keıin ǵana pandemııa jaǵdaıyn eskere otyryp, halyqaralyq 15 jup poıyzdy iske qosýdy josparlap otyrmyz», - dep atap ótti spıker.

Onyń aıtýynsha, suranys joǵary bolǵandyqtan 500 vagon qosýǵa týra kelgen.

«Alǵashqy aptada bıletke suranys óte joǵary boldy. Biz áýeli satylymǵa tek eń mınımaldy kesteni shyǵardyq, sodan keıin satylýyna qaraı vagondardy qosyp otyrdyq. Qazir menińshe, 15 mamyrda bıletterdiń satylymy bastalǵaly shamamen qosymsha 560 vagon qosqan sekildimiz», - dep qorytyndylady I.Besver.