Qazaqstandaǵy tatýlyq pen birlikke qyzyǵa qaraıtyndar kóp, bul - bizdiń úlken jetistigimiz - I.Saýer

ASTANA. QazAqparat - Qazaqstandaǵy tatýlyq pen birlikke qyzyǵa qaraıtyndar kóp. Bul, árıne, bizdiń úlken jetistigimiz. Bul týraly respýblıkalyq «Egemen Qazaqstan» gazetinde «Rodına» JShS agrofırmasynyń bas dırektory Ivan Saýer óz pikirin bildirdi.

Elimizdiń búgingi tynys-tirshiligine qarap otyryp, Prezıdent Nursultan Nazarbaevtyń kórsetýimen týra jolda kele jatqanymyzdy bilemiz. Muny bári de moıyndaıdy. Bul bizdiń maqtanysh sezimimizdi týdyrady.

Otanymyzda qolǵa alynǵan, júzege asqan iri jobalar mol. Solardyń arasynda men úshin Qazaqstan halqy Assambleıasynyń orny bólek. Osy qurylymnyń el ómirindegi orny halyq tarapynan oń baǵasyn alýda. Buǵan qosa aıtarym, 2015 jyl Assambleıa jyly dep jarııalandy. Menińshe, bul jyl el tarıhynda altyn árippen jazylyp qalady.

Buǵan qosarym, Assambleıa bizdiń qoǵamymyzda joǵary mańyzǵa ıe. Óıtkeni, ol el birligin nyǵaıtý maqsatynda qurylǵan. Atalǵan ınstıtýttyń qandaı jumys atqaryp otyrǵanyn halyq biledi. Sondyqtan da ol qoǵamymyzda joǵary baǵalanýda.

Qazaqstandaǵy tatýlyq pen birlikke qyzyǵa qaraıtyndar kóp. Bul, árıne, bizdiń úlken jetistigimiz. Álemde bolyp jatqan túrli oqıǵalarǵa qarap, elimizdegi mamyrajaı tirshilikke razy bolasyń. Osy oraıda Prezıdent Nursultan Nazarbaevqa alǵystan basqa aıtarymyz joq.