Qazaqstandaǵy tarıhı-mádenı eskertkishterdi el ıgiligine paıdalaný jaǵy kemshin
«Syrdarııa boıyndaǵy qalalardyń kópshiligi ózen arnasynyń ózgerýine baılanysty óz tirshiligin toqtatqan. Qazir biz Saýran dep júrgen qala baıyrǵy ornynan 10 shaqyrym jerden jańadan salynǵan», - deıdi jazýshy-pýblıtsıst, rejısser-dokýmentalıst, telejýrnalıst Anvar Mamraımov. Onyń aıtýynsha, Qazaqstanda qazir 25 myń tarıhı-mádenı eskertkishter bar. Alaıda olardyń bári birdeı halyq ıgiligine paıdalanylyp otyrǵan joq. Tipti olardyń kópshiligin halyq áli de tolyq bilmeıdi. Oǵan Qyzylorda oblysyndaǵy tamǵaly tastar saıyn mysalǵa keltirýge bolady. Ondaǵy sýretterdiń sany Jambyl aýdanyndyǵy Tamǵaly men Іle aýdanyndaǵy Tamǵaly tastaǵy sýretterdi qosqannan da kóp. Alaıda ony ázirge tek arheologtar ǵana biledi.
«Eger týrızmdi damytyp, olardy el ıgiline jaratatyn bolsaq budan el qazynasyna da mol qarjy túsirýge múmkindik mol. Máselen, Italııadaǵy Florentsııa qalasy týrıstik maýsymda tek syrttan keletin saıahatshylardan 3 mıllıard dollar tabys tabady eken. Uly Jibek jolynyń boıyndaǵy qazaq jerindegi eskertkishterdi jurtshylyqqa nasıhattap, onda qajetti ınfraqurylymdy damytsaq saıahatshylardy tartý arqyly jergilikti aımaqtardyń áleýmettik-ekonomıkalyq jaǵdaıyn jaqsartýǵa jol ashylar edi», - deıdi Anýar Permanuly.