Qazaqstandaǵy sýǵa shomylýǵa jaramdy oryndardyń sany qansha
Ortalyq kommýnıkatsııalar qyzmetinde ótken brıfıngide Tótenshe jaǵdaılar mınıstrligi Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov osyndaı málimet keltirdi.
«25 shildedegi jaǵdaı boıynsha el aýmaǵynda shomylýǵa ruqsat etilgen 515 oryn bar. Onyń 131-i kommýnaldyq, 303-i jeke jaǵajaı.
Bıyl ákimdikter qosymsha 43 kommýnaldyq jaǵajaı ashsa, kásipkerler jabdyqtalǵan 33 jaǵajaı ashyp otyr», - dedi komıtet tóraǵasy.
Onyń aıtýnysha, mınıstrlik sý aıdyndaryndaǵy qaıǵyly jaıttardyń sanyn azaıtý úshin halyqtyń barlyq toptarymen profılaktıkalyq, úgit-nasıhat jumystaryn belsendi júrgizip otyr.
«BAQ ókilderiniń qatysýymen 258 brıfıng ótkizilip, radıo jáne teledıdar arqyly 4 107 úndeý, gazetter men jýrnaldarda 1 283 maqala jarııalandy. Áleýmettik jeli men messendjerlerde sý aıdyndaryndaǵy qaýipsizdik qaǵıdalary boıynsha 150 beınerolık taratyldy.
Halyq arasynda 480 myńnan astam úgit-nasıhat ónimi taratylyp, sý aıdyndarynda 5 504 qaýipsizdik belgisi ornatyldy», - deıdi Tótenshe jaǵdaı vedomstvosynyń ókili.
Sondaı-aq, ol shomylý maýsymy bastalǵannan beri áýejaılarda 16 618 jáne temirjol vokzaldarynda 16 076 beınerolık kórsetildgenin atap ótti.