Qazaqstandaǵy sport jýrnalısteriniń anyqtamalyǵy shyqqaly jatyr
Bul ıdeıanyń avtory jáne shyǵarýshysy «Mıras» sport qoǵamdyq qorynyń prezıdenti, Qazaqstan sport baspasózi qaýymdastyǵynyń vıtse-prezıdenti Rıma Tájibaeva.
«Kto est kto» entsıklopedııasyndaǵy eń alǵashqy jınaýshylardyń qataryna kiretin R. Tájibaeva búgingi tańda PR-marketıng salasynda jumys jasaıdy. 7-qysqy Azııa oıyndary kezinde «Mádenı Azıada» jobasyn júzege asyrǵan onyń bul bastamany kóterýine elimizdegi sport jýrnalısteriniń birigý úderisiniń tómen qarqyny túrtki bolǵan kórinedi.
«Qazaqstan sport baspasózi qaýymdastyǵynyń prezıdenti Nesip Júnisbaıulynyń aıtýynsha, respýblıkada 500-den astam sport jýrnalısi bar. Alaıda kimniń qaıda jáne sporttyń qaı salasyna mamandanǵany jalpy kópshilikke áli beımálim kúıde qalyp otyr. Sondyqtan bul anyqtamalyqta olardyń bir-birin tanyp, aralasyp turýyna túrtki bolý kózdelip otyr. Ol Qazaqstan sport baspasózi qaýymdastyǵy aıasynda 1-2 myń danamen jaryq kórmek», - deıdi Rıma Tájibaeva.